Salmo 3
Psa 3:1 מזמור לדוד בברחו מפני אבשׁלום בנו׃ (3:2) יהוה מה־רבו צרי רבים קמים עלי׃
Psa 3:2 (3:3) רבים אמרים לנפשׁי אין ישׁועתה לו באלהים סלה׃
Psa 3:3 (3:4) ואתה יהוה מגן בעדי כבודי ומרים ראשׁי׃
Psa 3:4 (3:5) קולי אל־יהוה אקרא ויענני מהר קדשׁו סלה׃
Psa 3:5 (3:6) אני שׁכבתי ואישׁנה הקיצותי כי יהוה יסמכני׃
Psa 3:6 (3:7) לא־אירא מרבבות עם אשׁר סביב שׁתו עלי׃
Psa 3:7 (3:8) קומה יהוה הושׁיעני אלהי כי־הכית את־כל־איבי לחי שׁני רשׁעים שׁברת׃
Psa 3:8 (3:9) ליהוה הישׁועה על־עמך ברכתך סלה׃
No comments:
Post a Comment